Dy shqiptarë kanë rënë në prangat e policisë britanike, nën akuzë për prodhim dhe shitje lëndësh narkotike.
Kushërinjtë Fatmir Kurmekaj, 34 vjeç, dhe Fatjon Kurmekaj, 36 vjeç janë arrestuar pas zbulimit të dy shtëpive të barit në zonën e Plymouth.
Sipas mediave britanike, dy të rinjtë kishin marrë një sërë pronash nën pronësi, ndërsa dy prej tyre i kishin përshtatur për rritjen dhe përgatitjen e kanabisit për shitje.
Ndërkohë, në këto dy shtëpi, policia arrestoi në flagrancë dhe dy shqiptarë të tjerë, që bashkëpunonin me ta, Teslim Muhmutag dhe Adrian Kurmekaj, i dënuar më herët me 30 muaj burgim.
Prokuroria shpjegoi se banesat ishin kthyer “në ferma të sofistikuara kanabisi”, ndërsa ishin modifikuar duke hequr dyshemenë apo tavanet e tyre për të lejuar që e gjithë hapësira e shtëpisë t’i dedikohej rritjes së bimëve.
Prokurori tha në një seancë të mëparshme se bazuar në vlerësimet e policisë, rendimenti me 109 bimë në adresën e Warleigh Avenue mund të prodhonte 4.8 kg dhe 7 kg që mund të ketë një vlerë midis 24,000 dhe 35,000 £ me një mesatare prej 5,000 £ për kilogram.
Hetimi i mëtejshëm zbuloi se më 3 korrik 2021 Adrian Kurmekaj i dërgoi një mesazh Fatjonit ku diskutohej më shumë për “18 kilogramë e gjysmë për të mërkurën”. Fatjoni i përgjigjej duke i thënë: “Po pi një birrë, mora 8 për ty nesër. Do të ketë pjesën tjetër edhe paratë”.
Në muajt para arrestimit të tyre, Teslim Muhmutag bëri tre telefonata me Adrian Kurmekajn dhe asnjë me Fatmirin dhe Fatjonin.
Oficerët hynë me forcë dhe gjetën 158 bimë në pesë zona të veçanta të shtëpisë, ndërsa u raportua se rendimenti i mundshëm do të kishte qenë midis 16.43 kg dhe 21.17 kg, gjë që do të kishte rezultuar në fitim nga 164,000 £ deri në 211,000 paund.
