Pallati i Sportit “Farie Hoti” në Tiranë pësoi një transformim në muajt e fundit. Nga parketi, ulëset dhe gjithë ambientet iu nënshtruan një rikonstruksioni që mori kohë dhe fonde.
Vetëm pas gjashtë muajsh nga inaugurimi i kryebashkiakut Veliaj(janar 2022), Pallati i Sportit ka degraduar, me suvanë e tavanit që ka rënë mbi parket. Në pamjet më poshtë duket qartë se tanimë salla e lojërave me dorë nuk është funksionale.
Rënia e suvasë ka bërë që të merren masat, me klubin bardheblu që është kujdesur të heqë gjithë pjesën e tavanit, për të shmangur ndonjë tragjedi të mundshme. Sportistët e Klubit Shumësportësh Tirana që do duhet të qëndrojnë larg ambienteve edhe për disa kohë.
