Adrian Kamenica, sekretari i përgjithshëm i Ministrisë së Mbrojtjes është shkarkuar nga detyra.
Mendohet se vendimi ka ardhur si ”hakmarrje” prej dështimit të projektit që synonte lëshimin në hapësirë të satelitëve “Albania 1” dhe “Albania 2”.
Mësohet se Kamenica është zëvendësuar nga Geraldina Prodani.
Vendimi për shkarkimin e tij është firmosur nga ministri i Mbrojtjes.
Kryeministri Edi Rama njoftoi vjeshtën e kaluar se Shqipëria do të dërgonte në orbitë dy satelitë ‘Albania 1’ dhe ‘Albania 2’. I pari parashikohej të lëshohej në mars 2022 dhe i dyti rreth dy muaj më pas, në qershor. Detyra iu la ministrisë së Mbrojtjes, e cila do të realizonte detyrat për të përmbushur misionin. Siç edhe kuptohet, një gjë e tillë nuk ka ndodhur dhe tashmë përgjegjësi është gjetur. Ai është vetë Sekretari i Përgjithshëm, ndërsa kryeministri në një reagim të disa javëve më parë, thoshte se “vonesat nuk janë në dorën e tij”, por nuk është hequr dorë nga ky plan.
