Ish kryeministri Sali Berisha ishte i pranishëm në promovimin e librit “Kurrë mos harro”, libër mbi gjenocidin serb në Kosovë.
Gjatë fjalës së tij Berisha foli mbi interesin rus në portin e Durrësit ku tha se interesi i rusëve në Ballkan është Adriatiku.
“A nuk e kanë bërë të qartë të gjitha personalitetet europiane se Ballkani i Hapur është një projekt që nuk e përkrahim. Defacto është një projekt antieuropian. Defacto është një projekt pro rus, një projekt i vendosjes së hegjemonisë serbe në rajon. Kam dëgjuar se një vend të posaçëm ka Durrësi. Çfarë është ky vend i posaçëm në traktatin e novisadit për Durrësin? Në qoftë se Serbia ka 30 vjet që nuk e ka penguar njeri. Anijet serbe kur kanë dashur janë ngarkuar e shkarkuar. Jo nuk është kjo është disa garanci shtes për Serbinë. Është pikërisht ëndërra ruse. Rusët kanë qenë fuqia më e madhe, më e interesuar se çdo fuqi tjetër përveç Austro-Hungarisë për Ballkanin. Në ballkan nuk kanë ndonjë interes tjetër perveç se Adriatikun. Interesi rus në Ballkan është Adriatiku”, tha Berisha.
