Një çift të moshuarish janë gjetur të pajetë mbrëmjen e kësaj të Hënë në Tiranë. Sipas hetimeve paraprake, njëri prej të moshuarve i ka dhënë fund jetës duke u vetëvarur. Viktimat janë Safet dhe Arta Meçaj.
Ngjarja
Sipas një rindërtimi paraprak të ngjarjes, se ka qenë nipi që është hasur me skenën horror.
“Në vendin e quajtur ‘Nënstacioni i Selitës’, është marrë njoftim se shtetasi M.M., ka gjetur në banesë pa shenja jete gjyshërit, shtetasin Safet Meçaj, 80 vjeç, dhe Arta Meçaj, 80 vjeçe”, njoftoi policia.
I moshuari, sipas të njëjtave burime, dyshohet se është vetëvarur, ndërsa e moshuara është gjetur pa ndjenja.
Stafi i ambulancës ka konfirmuar se kanë ndërruar jetë të dy.
Grupi hetimor ndodhet në vendngjarje dhe po punon për sqarimin e rrethanave të ngjarjes.
