Regjisori kanadez, Paul Haggis, i arrestuar në Brindizi me akuzën për sulm seksual ndaj një vajze, ka mohuar të gjitha akuzat.
“Kontrollojeni sa më shpejt, jam i pafajshëm”, është shprehur ai.
Regjisori i famshëm kanadez, Paul Haggis, është arrestuar në Ostuni (Brindizi) me akuzën për sulm seksual dhe lëndim të rëndë. Sipas prokurorit të Brindizit, Haggis, kishte detyruar një të re, të huaj të kryente marrëdhënie seksuale për dy ditë rradhazi, raportojnë mediat e huaja.
Dyshohet se ngjarja ka ndodhur në Ostuni, në Itali, ku regjisori kanadez merr pjesë në eventin “Allora Fest”.
Gruaja e cila ka kryer kallëzimin u la në aeroportin Papola Casale. Në aeroport, viktima u ndihmua nga stafi i Aeroporti di Puglia dhe policia kufitare, të cilët pasi i dhanë ndihmën e parë, e shoqëruan deri në zyrat e Skuadrës Fluturuese. Agjentët më pas e dërguan gruan në spitalin Perrino në Brindisi e më pas viktima e pretenduar ka zyrtarizuar ankesën për regjisorin e njohur.
