Aktivisti dhe avokati Artan Manushaqe tha në tryezën e organizuar nga Partia Demokratike, se ka të dhëna që gjyqtarë dhe prokurorë janë përdorues të lëndëve narkotike.
Ai kërkoi bërjen e testit antidrogë për ta, duke e konsideruar këtë si hap drejtësisë funksionale dhe të vërtetë.
Ka akuza ndaj gjyqtarëve dhe prokurorëve se janë përdorues të lëndëve narkotike. Ne si qytetarë, avokatë dhe opozita të kërkojmë që të kalojnë në testin e përdorimit të lëndëve narkotike. Të bëhet testi për lëndët narkotike, 10 vjet, 20 vjet qëkur ka filluar profesionin. Kjo lidhet me integritetin e gjyqtarëve dhe prokurorëve. Pse u pezullua testi i drogës në Policinë e Shtetit? Sepse po dalin që të gjithë janë përdorues të lëndëve narkotike. Dhe nuk duhet të kishte filluar nga punonjësi i thjeshtë, por nga kupola lart. Kjo është drejtësia“, tha ai.
Sa i takon hartës së re gjyqësore, Artan Manushaqe tha se po i heqin qytetarit aksesin në drejtësi.
“Këta duan t’i heqin qytetarit aksesin në drejtësi. Këta duan t’i heqin mundësinë që një qytetar të mbrohet me avokat, duke sfilitur avokatin me burokracira financiare dhe ekonomike të cilat e bëjnë të pamundur si avokatin nga pikëpamja financiare të përballojë profesionin e tij, por edhe shërbimin apo të drejtën për të ofruar ndaj qytetarit, pasi tatimi ndaj avokatit, profesionit të lirë reflektohet, në fund të fundit ne sado të përpiqemi, kemi bërë dhe do të bëjmë, do t’i mbrojmë qytetarët edhe jashtë mundësive tona, por ka edhe disa rregulla që nuk janë në dorën tonë dhe këtu ne ekspozojmë edhe qytetarët e nuk u garantojmë të drejtat Kushtetuese”.
