Deputeti i PD, Ervin Salianji ka postuar ditën e sotme në rrjetin social një koment ku kujton premtimin e Kryeministrit Edi Rama se në mars dhe në qershor do të ngriheshin në hapësirë dy satelitë shqiptarë.
Salianji ironizon deklaratën e Ramës, duke thënë se në vend të satelitëve, në qiell ishin ngjitur çmimet e produkteve të shportës dhe nafta.
Postimi i Plotë nga Salianji:
Edi Rama premtoi solemnisht se këtë Mars dhe Qershor do të ngrinte në hapësirë dy satelitët shqiptarë dhe na ftoi të mos qeshnim me premtimin e tij!
Në këtë muaj kur duhet të ishin në hapësirë dy satelitët që do të bënin namin, në qiell kanë fluturuar çmimet e shportës dhe nafta! Sot më shumë se çdo herë tjetër qytetarët kanë nevojë për ndihmën e qeverisë jo për qeveri që fluturon me satelitë….
