Partizani ka fituar ndeshjen e parë miqësore gjatë fazës përgatitore që po zhvillon në Slloveni. Skuadra e drejtuar nga Dritan Mehmeti ka mundur me shifrat 2-1 ekipin e NS Mura të Sllovenisë.
Takimi nisi “malore” për të kuqtë, që e panë veten në disavantazh pas 6 minutash. Marushko u gjend para portierit dhe me një goditje tokazi, çoi topin në rrjetë.Pjesa e parë nuk sjell ndryshime, pavarësisht rasteve dhe aksioneve sporadike.
Fraksioni i dytë fillon ashtu siç duhet për djemtë e Mehmetit. Në minutën e 50, Skuka nuk e ka të vështirë të shënojë me portën e boshatisur, pasi portieri kishte dalë tërësisht në aventurë.
Përmbysja e madhe e ekipit të Superiores do vinte në minutën e 70-të. Futbollisti i ri i Partizanit Ëngjjëll Hoti me një të majtë të bukur, do mposhte portierin kundërshtar.
Mura rrit presionin dhe numrin e goditjeve drejt portës por më kot, pasi takimi përfundon në shifrat 1-2.
