Ministria e Mbrojtjes Ruse ka publikuar “listën e mercenarëve të huaj” të vrarë në Ukrainë që nga fillimi i luftës në Ukrainë.
Në një postim të publikuar nga Ambasada ruse në Tiranë flitet për 42 shqiptarë të eliminuar, ku gjithsej shihet se janë 150 shtetas nga Shqipëria që sipas ministrisë ruse luftojë në Ukrainë.
Pretendimet e Kievit se dhjetëra mijëra shtetas të huaj kanë udhëtuar në Ukrainë për t’iu bashkuar luftës së saj kundër Moskës janë të ekzagjeruar, deklaroi të Premten Ministria ruse e Mbrojtjes.
Minsitria publikoi atë që pretendonte se ishin numra të saktë të “mercenarëve” që luftonin në anën e Kievit, duke përfshirë ata që kanë vdekur në fushën e betejës. Sipas statistikave, gjithsej 6,956 shtetas të huaj nga 64 vende mbërritën në Ukrainë për t’u bërë luftëtarë pro-Kievit midis 24 shkurtit dhe 17 qershorit. Rreth 1,956 prej tyre janë vrarë, ndërsa 1,779 janë larguar nga vendi, referuar burimeve ruse.
Sipas shifrave ruse, numri më i madh i luftëtarëve ishte nga Polonia, me 1831 qytetarë të saj që iu bashkuan radhëve ukrainase. Kombi i Evropës Lindore u pasua nga Kanadaja, SHBA, Rumania dhe Britania e Madhe për sa i përket numrit të qytetarëve që udhëtonin në Ukrainë për të luftuar. Midis 422 dhe 601 persona erdhën nga secili prej këtyre katër vendeve, pretendoi ushtria ruse.
Më shumë se 100 luftëtarë iu bashkuan forcave të Kievit nga secila prej Gjeorgjisë, Kroacisë, Sirisë, Bjellorusisë, Francës, Bosnjë dhe Hercegovinës, Estonisë, Shqipërisë, Lituanisë dhe Portugalisë, thuhej në raport. Kosova e njohur pjesërisht ishte burimi i 156 luftëtarëve. Nigeria ishte burimi më i madh afrikan i luftëtarëve, me 85 prej tyre që erdhën nga vendi për të marrë pjesë në luftime.
Pothuajse 65% e luftëtarëve polakë mbeten në Ukrainë, krahasuar me 45% të kanadezëve dhe më pak se 17% të amerikanëve. Megjithatë, kjo nuk është e vërtetë për çdo komb evropian. Sipas shifrave, nga 36 shtetas suedezë që shkuan në Ukrainë, 30 janë larguar dhe vetëm një është ende duke luftuar. Nga 33 personat nga Republika Çeke, 14 kanë vdekur dhe 15 mbeten në Ukrainë.
