Policia e Skraparit ka vënë në pranga një 34-vjeçar si dhe ka proceduar në gjendje të lirë dy persona të tjerë pasi akuzohen se kanë dhunuar kryetarin e degës së postës së Skraparit.
Sipas njoftimit të policisë, është arrestuar Taulant Hoxha, ndërsa janë proceduar shtetasit Beko Telhaj, 31 vjeç, dhe Muharrem Kaci, 28 vjeç, të cilët kanë goditur shtetasin K. K., 33 vjeç, banues në Çorovodë, duke i shkaktuar dëmtime në trup.
“Nga specialistët e Seksionit për Hetimin e Krimit u bë arrestimi në flagrancë i shtetasit T.H. (K.), 34 vjeç, si dhe u referuan materialet hetimore në Prokurori dhe po procedohen në gjendje të lirë shtetasit B. T., 31 vjeç dhe M. K., 28 vjeç, të tre banues në Çorovodë. Këta shtetas, në qendër të qytetit të Çorovodës, kanë goditur me grushte, për shkak të detyrës, kryetarin e degës së postës Skrapar, shtetasin K. K., 33 vjeç, banues në Çorovodë, duke i shkaktuar demtime në trup. Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme”, njoftoi policia.
