Një person është plagosur me thikë në Kavajë, teksa është arrestuar autori 31-vjeçar.
Specialistët për Hetimin e Krimeve në Komisariatin e Policisë Kavajë arrestuan në flagrancë shtetasin J. K., 31 vjeç, banues në Kavajë, për veprat penale “Plagosja e rëndë me dashje” dhe “Prodhimi, mbajtja, blerja, apo shitja pa leje e armëve të ftohta”, njoftoi policia.
Shtetasi J. K., gjatë një konflikti për motive të dobëta, ka goditur me mjet prerës shtetasin L. Ç., i cili si pasojë është dëmtuar dhe ndodhet në spital, jashtë rrezikut për jetën, shtuan të njëjtat burime.
