Martesa e Jlo dhe Marc Anthony konsiderohej si një martesë përrallash, por më pas erdhi edhe divorci.
Thuhej se Marc Anthony ka qenë mjaft xheloz ndaj këngëtares së njohur. Dyshja u lidhën në vitin 2004. Nga martesa, ata kanë dy fëmijë së bashku të cilët quhen Max dhe Emme.
Së fundmi, Jennifer Lopez ka dhënë disa detaje lidhur me divorcin e saj gjatë dokumentarit “Halftime”. Ajo ka rrëfyer se si e ka vijuar jetën e saj pas ndarjes nga Marc Anthony.
“Kur fëmijët e mi ishin tre vjeç, unë u divorcova. Isha një nënë beqare me dy fëmijë të vegjël. Si artiste, humba pak nga kush isha duke u përpjekur të ndërtoja një jetë familjare perfekte” –ka thënë këngëtarja me famë botërore.
JLo ka treguar edhe një vështirësi që ka patur gjatë karrierës së saj.
“Në moshën 42-vjeçare nuk më ofroheshin më role në filma dhe kur u ktheva në punë, ndjeva se nuk e dija më se ku qëndronte vlera ime”, vijoi Jennifer Lopez.
