Çmimi i naftës arriti sot rekordin historik, me vendim nga i ashtuquajturi Bordi i Transparencës.
Kryetari i Partisë Demokratike, Sali Berisha ka dënuar vendimin e bordit të Ramës, duke i akuzuar se po abuzojnë në kurriz të qytetarëve shqiptarë, ndërsa bën thirrje që të merren urgjentisht masa.
Reagimi nga Sali Berisha:
Nafta arrin në 265 lekë për litër.
Rritje tjetër stratosferike e çmimit të naftes.
Bordi komunist i Edi Ramës nuk ka të ndaluar!
Çmimi i naftës shënon sot një tjetër rekord. 265 lekë për litër do të paguajnë shqiptarët duke nisur prej ditës së sotme. Çmënduri! Abuzim! Vjedhje!
Krye-hajduti ka vendosur të zhvasë çdo qindarkë nga familjet shqiptare, duke e çuar në stratosferë çmimin e naftës, nëpërmjet bordeve me mendësi komuniste. Me naftën po bëhej një abuzim i tejskajshëm në vend. Edhe pa krijimin e bordeve situata ishte alarmante, por u zhyt edhe më thellë që në momentin e krijimit të bordeve të vjedhjes.
Çmimi i naftës në rajon ka një diference të madhe me Shqipërinë, e faji këtu është kryekëput i qeverisë dhe Edi Ramës. Masa të menjëhershme duhen ndërmarrë ose çmenduria e këtij njeriu do të dëmtojë ekonominë e çdo qytetari shqiptar.
