Një shqiptar dhe një maroken u arrestuan nga policia italiane, me dyshimet se ishin shpërndarës të lëndëve narkotike.
Ata e shpërndanin drogën me biçikleta, ndërsa blerësit ishin drejtuesit e automjeteve të ndryshme.
Nga raportimet mësohet se një nga shpërndarësit, 22-vjeçari maroken u arrestua në Firenze. Ai u arrestua pasi më parë i kishte dhënë drejtuesit të një automjeti një pako.
Në momentin e kontrollit policia i gjeti 22-vjeçarit tre doza kokainë dhe disa para, të ardhurat e dyshuara nga shitja. Ai gjithashtu kishte shitur disa doza te të paktën 3 drejtues automjetesh me shuma nga 20 në 80 euro.
Gjithashtu një shqiptar, 23 vjeç, u arrestua me akuzën e trafikut të kokainës dhe hashashit. Pak pas orës 23:00, i riu u kap në Piazza Beccaria duke hipur në një motoçikletë së bashku me një burrë tjetër. Shqiptari u përpoq të arratisej dhe nisi të vrapojë. Gjatë vrapit ai hodhi pothuajse 5 gramë hashash dhe 6 doza kokaine, të cilat u gjetën në tokë nga agjentët.
