Deputeti i PD Ervin Salianji ka kërkuar interpelancë me ministrin e Brendshëm Bledi Çuçi, ku dhe ka hedhur akuza të forta në drejtim të tij e ministrisë që drejton.
Salianji tha se OFL e vettingu në polici ishin nisma propagandistike të qeverisë Rama, duke shtuar se bëheshin vetëm për gjoba.
Interpelance me ministrin Çuçi, kërkuar nga deputeti i PD-së Salianji:
Gjoba me subjektet kriminale dhe propozimi i vetingut ne polici janë dy nisma propagandistike të PS. Kontrolli është miratuar me një ligj, OFL, qeveria vendosi nismë për të vendosur gjoba. Ja cfarë deklaronte kryeministri, Rama i dytë për vetingun e policisë ku pastërtia është kush i domosdoshëm. Ai tha se kemi bërë çfarë kemi mundur, por se pastrimi historik nga policët e korruptuar do vijojë me vendosmëri. Vetingu i policisë do japë rezultate dhe kam besim se brezat e ardhshëm do jenë të transformuar.
Rama para Policisë së Shtetit tha këto e kështu garantonte një goditje finale ndaj krimit dhe drogës. Gjendja e kriminalitetit sot ka marrë dhenë, FBI sipas tij do monitoronte situatën.
A ka qenë një nismë për të pastruar aktivitetet kriminale, pse vendi ynë është në listën gri të pastrimit të parave? Sa është numri i subjekteve të OFL-së që ende nuk janë referuar në SPAK, a ka ndërhyrje politike apo njerëz që janë favorizuar?
Sa është numri total për pjesën tjetër të nismave të qeverisë për punonjësit e policisë, sa prej tyre e kanë kaluar vetingun? A është një nismë që ka dështuar dhe ende nuk është thënë? Po e shohim se këto njerëz janë përfshirë në rrjete kriminale përmes familjarëve, kështu ka degraduar cdo gjë nga moszbatimi i ligjit. Në çdo moment dëgjojmë drogë, tritol e atentate.
