Dy persona janë arrestuar nga policia e Tiranës, që ka zbuluar një depo armësh.
Në një deklaratë për mediat, kreu i policisë së Tiranës bëri me dije se në pranga u vunë Elvis Bakllai dhe Dorian Kalo.
“Në kuadër të operacionit ‘Silent’ është zbuluar dhe goditur një bazë ku prodhoheshin dhe modifikoheshin armë zjarri. Në një banesë në Kodër Mëzez, ushtrohej aktiviteti për prodhimin e këtyre armëve. U bë e mundur kapja dhe arrestimi i Elvis Bakllait, 30 vjeç dhe Dorian Kalos për mbajtjen dhe prodhimin e armëve të zjarri”, tha Lorenc Panganika.
