Vizita e Ramës në Kiev të mërkurën kishte vetëm vlerë simbolike, të cilën e humbi me qëndrimin e Ramës për të justifikuar vendimin e presidentit serb Vuçiç për të mos sanksionuar Rusinë.
Kështu u shpreh në emisionin “Shock” në Euronews Albania, analisti Andi Bushati.
Bushati tha se nëkohën kur Rama shtrëngonte duart me presidentin e Ukrainës, doli një intervistë e Ramës në Politico që bënte amnistimin e Beogradit që nuk vendos sanksione ndaj Rusisë.
“T’i thoshe Zelensky-t dje që ti po shtrëngon duart me kryeministrin e një vendi që justifikon Vuçiçin që nuk i vë sanksione Rusisë, atëherë kjo e humbet edhe të vetmen vlerë që mund të kishte, pra simbolike”, u shpreh Bushati..
“Ngelet vlera e një aksioni propagandistik”, shtoi ai.
Një vend si Ukraina që sot priste Draghi-n Macron-in dhe Sholz-in, nuk ka interes sipas Bushatit nga vizita e Ramës dhe Abazoviçit, liderë ballkanikë.
