Kampionët në fuqi të Tiranës, do të njihen ditën e nesërme (15 qershor), me kundërshtarin e randit të dytë të Champions Ligës, gjithmonë nëse bardheblutë arrijnë të kalojnë me sukses luksemburgasit e Dudelanzhit në raundin e parë.
Në këtë raund të dytë, Tirana bën pjesë në grupin e tretë së bashku me Makabi Haifan, si dhe çiftet Maribor/Shakhtjor Soligorsk dhe Shamrok/Hibernians.
Në raundin e dytë, Tiranën e presin rivalë me potencial mjaft të madh, teksa padyshim që rivali më i frikshëm që duhet shmangur është Olimpiakosi.
Tre rivalët e tjerë të mundshëm të kampionëve në fuqi të Superiores janë fituesit e çifteve: Ludogorets/Sutjeska; Zrinjski/Sherif Tiraspol dhe Pyunik/Kluzh.
