Policia sekuestroi mbrëmjen e së mërkurës një sasi prej 45.5 kg kokainë e cila u gjet në një kontenier që transportonte mish.
Policia njofton se si rezultat i kontrollit të imtësishëm të ushtruar në kontenier, në brendësi të ngarkesës me mish pule u gjetën 40 pako me lëndë të dyshuar narkotike kokainë, me peshë 45 kg e 500 gramë.
Ajo që bie në sy është amballazhimi i lëndës narkotike me imazhet e ‘Gokut’ dhe ‘Budës’, karaktere të filmave të animuar.
Lënda narkotike ishte fshehur brenda një konteineri të ngarkuar me mish pule dhe që ishte nisur tranzit nga Brazili. Destinacioni i konteinerit ishte Maqedonia e Veriut, për llogari të një subjekti tregtar që kishte bërë porosinë.
