Kampionët e Shqipërisë në futboll, Tirana ndodhet në Turqi për fazën përgatitore. Bardheblutë e Shehit kanë mësuar kundërshtarin në fazën e parë kualifikuese të Champions League, teksa do përballen me Dudelange të Luksemburgut.
Në përgatitje të këtij dueli, kampionët e vendit kishin sigluar sot një miqësore me Dinamo Auto Tiraspol, skuadrën moldave. Për shkak të kushteve atmosferike ndeshja u anullua.
“Për shkak të kushteve të rënduara atmosferike që shkaktuan përmbytjen e fushës ku do zhvillohej ndeshja miqësore, sfida është anulluar. Klubi do njoftojë për orarin e ri të ndeshjes”, shkruan Tirana.
