Në Komisionin parlamentar për Integrimin Europian ku po diskutohej për Reformën Administrative, doli edhe tema e patronazhistëve.
Deputeti demokrat Enkelejd Alibeaj i kërkoi një përgjigje për këtë çështje zv.kryeministrit Arben Ahmetaj. Alibeaj tha se priste përgjigje nga zv.Kryeministri dhe jo nga Beni, duke iu drejtuar Ahmetajt me shkurtimin e emrit të tij, ndoshta duke treguar një lloj afrimiteti.
Por kjo nuk i ka përlqyer zv.Kryeministrit, i cili duke iu drejtuar Alibeajt i kërkoi të mos e thërriste Beni. Nuk dihet se çfarë reagimi mund të kishte nga numri dy i Qeverisë, nëse Alibeaj do i drejtohej si “tigri”.
Deputeti i PD, Enkel Alibeaj: Çështja e patronazhistëve, pra të dhënat e nxjerra përpara 25 prillit ku kanë folur nga Brukseli deri në Washington. Një çështje që ka damkosur sjelljen e shteti shqiptar ndaj të dhënave sensitive. Për këtë dua përgjigje nga zëvndëskryeministri, jo nga Beni.
Reagon zv/kryeministri Arben Ahmetaj: Stop me atë referencë, mos më fol me atë gjuhë mua. Mos më quaj Beni, jam këtu si zv/kryeministër!
Enkel Alibeaj: Qetësohu, u nxehe nga pyetjet?!
