Katërmbëdhjetë muaj nga vrasja që tronditi Elbasanin në prag të zgjedhjeve të 25 prillit të 2021-shit, prokuroria është rikthyer sërish në vendin e krimit.
Në atë kohë, si pasojë e përplasjes me armë për qëllime politike mbeti i vrarë Pjerin Xhuvani.
Prokuroria ka rindërtuar skenën e krimit, me qëllim që të ndërtohet një panoramë e qartë të asaj që ndodhi vetëm disa ditë përpara zgjedhjeve.
Për ngjarjen mbetet në burg si autor i dyshuar ish-efektivi i RENEA-s, shoqëruesi i Gazment Bardhit, Arbën Paplekaj.
Një i vdekur dhe tre të plagosur ishte bilanci i një përplasjeje me armë në lagjen “5 Maji” në Elbasan.
I vrarë mbeti aktivisti i Partisë Socialiste për Elbasanin, Pjerin Xhuvani ndërsa të plagosur kanë mbetur një efektive policie, Kelmend Xhaferri si edhe një tjetër person.
Kreu i listës së PD-së për Elbasanin, Gazmend Bardhi than ë atë kohë se policia nuk i kapi autorët e përplasjes me armë duke u marrë me gazetarët, ndërsa theksoi se personat e përfshirë në shkëmbimin e zjarrit ishin akuzuar edhe më herët nga demokratët si pjestar të krimit të organizuar në qytet.
