Në Nyon të Zvicrës u hodh shorti për raundin e parë kualifikues të Conference League, ku Laçi, Partizani, Drita, Gjilani, Shkëndija kanë mësuar edhe kundërshtarët e tyre në këtë tur.
Ndeshja e parë luhet në Shqipëri më 7 korrik dhe tjetra në transfertë një javë më vonë.
Laçi në këtë tur do të përplasë “brirët” me skuadrën e Malit të Zi, Iskra Danilovgrad, ku sfida e pare luhet në Shqipëri më 7 korrik dhe tjetra në transfertë më 14 korrik.
Mes skuadrash si Sfintul George, Ruzomberok, Dila Goli, Gjilani dhe Iskra Danilovgrad, kurbinasit gjetën përballë pikërisht këta të fundit, teksa shanset për të kaluar në turin tjetër janë reale.
Partizani do të përballet me Saburtalo, skuadër nga Gjeorgjia, teksa demat ishin me fat pasi shmangën skuadra më të forta në grup. Sfidën e parë “Të Kuqtë” do ta luajnë në transfertën e largët më 7 korrik, ndërsa atë të kthimit më 14 korrik në Shqipëri.
