Rreth 500 gram tritol dyshohet se janë përdorur në minën me telekomandë në atentatin ndaj 27-vjeçarit, Aleksandër Sadikaj, i cili u vra dy ditë më parë në një zonë periferike të Tiranës, teksa udhëtonte me makinë.
Nga hetimet e deritanishme rezulton se shpërthimi ka ndodhur pak minuta pasi viktima doli nga shtëpia e tij në Sauk të vjetër. Për pasojë mjeti shpërtheu në ecje duke i marrë jetën 27-vjeçarit.
Lënda eksplozive e komanduar nga celulari dyshohet se i është vendosur nga persona që kishin akses te makina dhe se prej kohësh ndiqnin lëvizjet e të riut.
Në vendngjarje është gjetur edhe një arme, që ende nuk dihet nëse i përkiste të riut, apo dikujt tjetër.
Burime pranë grupit të hetimit bënë me dije se po hetohet në disa pista, përfshi problemet e mëparshme të Sadikajt me ligjin më Shqipëri dhe në Greqi.
