Ka startuar në orën 18:00, ndeshja miqësore Shqipëri-Estoni. Për kuqezinjtë në portë e nis Selmani dhe para tij do të jetë treshja Mihaj-Veseli-Bajrami. Ky i fundit ka qenë i grumbulluar me Shpresat dhe nuk figuronte në listën e përfaqësues shqiptare, as pas ndryshimeve të fundit. Në krahë do të jenë Hysaj në të djathtë dhe Hoxhallari në të majtën.
Në mesfushë janë Çokaj dhe Ramadani pak më të tërhequr me Çekiçin që ka barrën e punës në aspektin ofensiv, ndërsa në sulm është dyshja Vrioni-Seferi që e nis nga fillimi me Brojën dhe Uzunin që do të jenë zëvendësues në këtë sfidë.
