Pasi shprehu besimin se Qeveria Rama ka vullnetin për të luftuar korrupsionin, nisur nga fakti se salla ku mbahej konferenca anti-korrupsion ishte plot, ambasadorja amerikane Yuri Kim tha se Shqipëria ndodhet në një moment kritik të historisë së saj.
Në këtë kuadër, diplomatja tha se shqiptarët duhet të vendosin literalisht se në ç’rrugë do të shkojnë, do të ecni përpara apo do të shkoni pas.
“Kush do e zotërojë vendin, krimi i organizuar dhe vetëm oligarkët, apo njerëzit normalë ata që edhe kanë mundësinë për të zotëruar pronat, për të zhvilluar prona e për t’u bërë të pasur? Ju duhet ta vendosni.
A do të jetë rasti që të gjthë do të luftojmë për të gjetur lidhje të veçanta, në mënyrë që t’ja dilni, apo do të krijoni një sistem ku të gjithë do ja dilni, që fëmijët tuaj të jenë të lirë dhe të kenë mundësi të barabarta. Ne besojmë se ju do të bëni zgjedhjen e duhur, në të njëjtën mënyrë siç e keni bërë në çaste kritike. Presim me kënaqësi të punojmë me ju”, tha Kim.
