Deputeti demokrat Belind Këlliçi tha në emisionin “Çim Peka Live” se në SHBA ka një mungesë informacionesh lidhur me atë që ka ndodh në Shqipëri.
Këlliçi tha se ka një ngërç për shkak të vendimit të shpalljes “non grata” të ish-Kryeministrit Sali Berisha, i cili drejton edhe PD, por shtoi se shqetësuese është situata që ka një mungesë informacionesh.
“Kam qenë në Berlin, në Kongresin e PPE-së në Rotterdam dhe mund të them se Europa, për shkak edhe të afërsisë me Shqipërinë, ka më shumë informacione lidhur me atë që ndodh në Shqipëri. Por kjo nuk ndodh në SHBA”, tha Këlliçi. Ai u ndal në takimet që ka pasur me vatranët në New York, ndërsa theksoi se së shpejti do të ketë një përfaqësi të Vatrës që do të vijë në Shqipëri, dhe do të ketë takime edhe me z. Berisha.
