Tirana ka zyrtarizuar afrimin e radhës, teksa klubit bardheblu i bashkohet mesfushori Ardit Hila. Lojtari nga Elbasani, ka luajtur në të shkuarën edhe me Teutën dhe ekipin e vendlindjes, ndërkohë aventura e tij e fundit ishte me Kukësin ku pas disa përplasjeve ndërpreu bashkëpunimin gjatë muajit prill të këtij viti.
“Ardit Hila është emri më i ri që i bashkohet Klubit të Futbollit Tirana. Mesfushori dhe klubi kanë arritur dakordësinë e bashkëpunimit. Hila është prezantuar sot me ekipin dhe stafin teknik dhe do të fillojë menjëherë punën me skuadrën. Mirëseerdhe Ardit!”, – njofton klubi i Tiranës nëpërmjet një postimi në “Facebook”.
Hila tashmë do të vihet menjëherë nën urdhrat e Orges Shehit për të vazhduar përgatitjet për pjesëmarrjen në Champions League.
