Policia greke ka arrestuar bashkëshortin e 62-vjeçares shqiptare, e cila u gjet ditën e djeshme e vdekur në apartamentin e saj në rrugën Tsopanakou në Gyzi (Greqi).
Sipas medieve, greke burri ka pohuar se ka telefonuar fillimisht EKAB-in dhe jo policinë pasi nuk ka pasur aktivitet kriminal.
Kujtojmë se trupi i pajetë i shqiptares u gjet në dhomën e gjumit të shtëpisë me të nxira, ndërsa në banesë nuk ka pasur shenja dhunimi.
Sipas dëshmive, bashkëshorti i saj ka vrapuar në shtëpinë ngjitur dhe ka kërkuar ndihmë nga një fqinj, i cili ka parë të vdekur 62-vjeçaren, shkruan zougkla.gr.
Fqinjët e çiftit në Gyzi e cilësojnë burrin e viktimës si person që pinte shpesh dhe përfshihej në sherre.
Megjithatë, ata theksojnë se nuk e kishin dëgjuar kurrë çiftin të ziheshin.
Ata thonë se gruaja kishte probleme të rënda shëndetësore dhe nuk përjashtojnë që vdekja e saj të ketë ardhur për shkaqe patologjike.
