Përballja mes Greqisë dhe Kosovës e zhvilluar në “Panthessaliko Stadium” është mbyllur me fitoren e kombëtares vendase 2-0 e cila arriti të siguronte kështu një tjetër triumf të rëndësishëm në Nations League.
Sfida mes Kosovës dhe Greqisë luhej për vendin e parë të grupit të 2-të në Ligën C. Një takim ku dardanët kërkuan hakmarrjen ndaj grekëve, por me pjesën e parë që do të mbyllej pa shumë histori, pasi asnjëra nga skuadrat nuk arritën të gjenin rrugën e rrjetës.
45-minutëshi i dytë do të shikonte dardanët dhe grekët më kërkues të golit, por vazhdoi të ishte në “paqe” deri në minutën e 71-të kur Giakoumakis do të gjente edhe golin e epërsisë për Grekët, duke bërë që dardanët të dorëzoheshin.
Vendasit do të shënonin edhe golin e dytë në minutën e 90+9 të shtesës, duke bëtë që kjo përballje të mbyllej me shifrat 2-0.
Pas kësaj fitoreje Greqia vazhdon të mbetet forcë e parë e grupit me 12 pikë, ndërsa Kosova e ndjek nga pas me 6 pikë më pak.
