Këngëtarja e njohur shqiptare, Besa Kokëdhima, në një intervistë për “A live night”, ka rrëfyer se si reaguan prindërit e saj kur u tha se donte të bëhej këngëtare.
Ajo u shpreh se ata ishin të mbushur me pikëpyetje se me çfarë do të përballej, nëse do të kishte një karrierë pozitive në vendin tonë e shumë pyetje të tjera.
“Unë fillova aktivitet e para në kolegjin që ndiqja. Prindërit e mia nuk është se po shkulnin flokët nga gëzimi, unë e kuptoj sot pak më ndryshe se kur je i vogël në atë moment thua pse s’më mbështesin, jo siç mendon sot. Sidomos prindërit që nuk janë muzikantë, kanë merakun që duke e mbështetur…se vetë nuk dinë ta mbështesim apo jo, a ka vërtetë talent, sa talent ka. Pasi sigurohen a kanë talent, vjen pyetja numër dy dhe të gjitha nenet do të ishin se sa funksionale do të ishte një karrierë e tillë në vendi tonë, si e bën jetën një artist, sepse kur e kthen diçka në profesion ka plot të tjera të dhëna që duhen konsideruar”, tha Besa.
