‘Audi’ në foto është automjeti luksoz i cili iu grabit nën kërcënimin e armës dy të rinjve nga dy persona të paidentifikuar mbrëmjen e së enjtes në autostradën Tiranë-Durrës.
Makina u grabit nga dy persona të maskuar me maskë anti-COVID dhe kapele ndërsa dy të rinjtë nga Vlora mësohet se kishin ndaluar për të pirë cigare.
Grabitësit të cilët ishin me një automjet me targa italiane tip ‘BMW’ arritën të marrin mjetin tip ‘Audi A7’ ngjyrë të zezë me targa ‘AB080BU’ nën kërcënimin e armës.
Djemtë nga Vlora kanë bërë kallëzim në Policinë e Durrësit ndërsa kanë nisur hetimet nga autoritetet.
