Një 27-vjeçar në Gjilan të Kosovës është gjetur i vdekur brenda shtëpisë së tij.
Ende nuk dihen shkaqet e vdekjes së tij, por gjatë ekzaminimeve të kryera, është vërejtur se viktima nuk kishte shenja dhune.
”Sot rreth orës 07 e 25 Policia e Kosovës, Drejtoria rajonale në Gjilan është njoftuar për një rast ku një person është gjetur pa shenja jete në një shtëpi pranë rrugës “Tranzit” në Gjilan. Ekipet e hetuesve rajonalë, në bazë të ekzaminimit të vendit të ngjarjes kanë konstatuar se personi i pajetë, pa shenja dhune në trup është shtetas i Kosovës i lindur me (1995) me banim në Gjilan”, tha Hashani.
Trupi i viktimës do të dërgohet në Institutin e Mjekësisë Ligjore (IML) për kryerjen e obduksionit.
“Hetimet do të zhvillohen nga Policia e Kosovës, nga njësitet e hetimeve rajonale në koordinim me prokurorin e shtetit. Rasti do të hetohet si “hetim i vdekjes”– thuhet në njoftim policor.
