Pas aksidentit tragjik me 3 viktima dhe 3 të plagosur në Fier, është arrestuar Mariglen Skënderaj, drejtuesi i mjetit “Opel Zafira”.
Ai është prangosur për veprën penale “Shkelja e rregullave të qarkullimit rrugor” pasi dyshohet se ka bërë një parakalim të gabuar në rrugë.
Skënderaj po udhëtonte me mjetin e tij në aksin Levan-Tepelenë ku është përplasur kokë më kokë me mjetin Ford të drejtuar nga Sokrat Lelaj.
Ky i fundit së bashku me Fatbardha Lelaj dhe Bylyre Salaj, nena e Fatbardhës, gjetën vdekjen nga përplasja e fortë.
Shoferi i Fordit, Mariglen Skënderaj mbeti po ashtu i plagosur bashkë me bashkëshorten dhe vajzën 6 vjeçare pas përplasjes se ndodhur mbrëmjen e së enjtes në afërsi të fshatit Buzmadh.
Këto të fundit janë akoma në spital duke u trajtuar për plagët e marra.
