Moti i keq që ka pushtuar vendin ka krijuar një sërë problematikash në disa qarqe. Në Tiranë reshjet e dendura të shiut të kësaj të enjteje kanë përmbytur dhjetra rrugë.
Si pasojë e reshjeve të dendura të shiut lumi Lana, i cili përshkon kryqeytetin është fryrë, duke dalë nga shtrati e si pasojë janë përmbytur edhe kate të nëndheshme banesash.
Moti i keq ka shkaktuar deme edhe tek sistemi i transmetimit te energjisë elektrike. OSHEE nëpërmjet një statusi në rrjetin social Facebook, ka njoftuar se ka stakuar 3 fidera si masë sigurie, ndërkohë që po punon për të rikthyer energjinë elektrike në të gjitha zonat e mbetura në terr si pasojë e motit të keq.
Operatori i Shperndarjes se Energjise Elektrike bën me dije se masat për shkëputjen e energjisë janë kërkuar nga policia.
