Deputetja e PD, Ina Zhupa ka hedhur akuza lidhur me projektin e administrimit të Butrintit, gjatë një interpelance me ministren e Kulturës, Elva Margariti.
Zhupa u shpreh nga fpltorja e parlamentit se projekti parashikon që parku i Butrintit të jepet me koncesion.
“Si ka mundësi që shteti jonë heq dorë nga mbrojtja e trashëgimisë kulturore dhe këto ia dorëzon një privati, si ka mundësi që ministria e kulturës del dhe thotë se administrimi ka dështuar për shkak të politizimit dhe paaftësisë së administratës, këto janë argumentet e Ministrisë së Kulturës dhe qeverisë. pse nuk ndryshojnë procedurat në lidhje me administrimit duke vendosur profesionist të administratës, me arkeolog, ekspertë, nëse kriteret janë këto, atëherë institucioni i parë është vetë ministria e Kulturës sepse i plotëson 2 standardet, le të votojmë që të japim me koncesion Ministrisë le ta administrojë Fondi Shqiptaro amerikan apo ndonjë fond tjetër. Fondacioni ka 4 individ privat dhe vetëm ministren e Kulturës dhe pse aty del me emër si Elva Margariti. Cili duhet të jetë raporti që duhet të ketë administrimit si vlerë kulturore dhe si mjet biznesi”, tha Zhupa.
Po ashtu, deputetja demokrate theksoi se Këshillit Kombëtar të Kulturës Materiale i janë hequr kompetencat dhe ato i “kanë kaluar fondacionit privat.”
Ndërsa, ministrja e Kulturës Elva Margariti theksoi edhe një herë që Butrinti do të vijojë të jetë pronë e shtetit dhe se nuk po i jepet asnjë privati.
“Mendoj që është ende për të ndezur ca llambushka të një publiciteti shterpë. Butrinti do të vijojë të jetë pronë e shtetit dhe nuk po i jepet asnjë privati. Do të jetë bashkëpunim me fondin. Ky fondacion dhe ai shqiptaro amerikan për zhvillim, do të monitorohet dhe do të auditohet. Nuk ka tjetërsim apo kalim prone. Në krye është bordi, dy nga ministria e Kulturës, dy nga partneri strategjik, dhe një arkeolog i huaj. Çdo qindarkë e Butrintit do të vijojë të mbetet në Butrint. Ata që shohin ëndrra me kulla e hotele, nuk do të ketë asnjë lloj ndërtimi i tillë. Do të ketë një qendër pritje për viztitorët, larg nga hyrja aktuale…”
