Maurizio Sarri e ka vendosur, Elesid Hysaj duhet të largohet nga Lazio nëse dëshiron të luajë në vazhdimësi.
U transferua te klubi kryeqytetas një sezon më parë me parametra zero por aventura e tij në Formello është drejt fundi.
E konfirmojnë këtë mediat e vendit fqinjë që theksojnë se trajneri toskan që ka punuar me Hysaj në tre skuadra të ndryshme, ka vendosur t’ia besojë vendin e titullarit Lazzarit.
Hysaj nuk ka skuadra të interesuara për shërbimet e tij momentalisht dhe do të jetë shumë e vështirë që Lazio të gjejë një blerës që te plotësojë kërkesat e klubit bardhekaltër.
Për momentin situata është e paqartë dhe Hysaj duhet të presë për të mësuar të ardhmen por mundësitë që ai të vazhdojë në Romë, janë minimale.
