Moti i përkeqësuar papritur ka përfshirë Qarkun e Elbasanit dhe është shoqëruar për rreth 30 minuta me erëra të forta, shira të rrëmbyeshëm, breshër, vetëtima dhe rrufe në disa zona.
Një mot i tillë ka krijuar situatë problematike në disa akse të rëndësishme rrugore të Qarkut të Elbasanit, ku ka pasur përmbytje të disa segmenteve, si pasojë e daljes nga shtrati i përrenjve.
Fatmirësisht, deri në mesditë nuk rezulton të ketë pasur asnjë pasojë në jetët e njerëzve, ndërsa moti rreth orës 14:15 është qetësuar.
Vendi ynë është përfshirë nga stuhi të fuqishme orët e fundit. Teksa një ditë më parë temperaturat e ajrit shkuan mbi 30 gradë celcius, sot moti ka sjellë një panoramë krejt tjetër.
Kjo gjendje do të vazhdojë kohë pas kohe deri të premten për zonat bregdetare, përderisa në ato të ulëta dhe malore, reshjet do të mbesin prezent me karakter lokal.
