Aleanca për Mbrojtjen e Butrintit zhvillon sot në Durrës tryezën e radhës me ekspertë dhe qytetarë për të kundërshtuar dhe kërkuar transparencë për ligjin e kaluar në Kuvend nga mazhoranca socialiste për sa i përket administrimit të Parkut Natyror të Butrintit.
Duke nuhatur se ky ligj mund të përdoret edhe për zonat e tjera arkeologjike në vend, Aleanca për Mbrojtjen e Butrintit mblidhet në Durrës në orën 18:00 te Blu Star për të diskutuar mbi reagimin qytetar ndaj kësaj pabesie të qeverisë shqiptare kundrejt zonave të mbrojtura në Shqipëri.
Njoftimi
Ligji për Butrintin së shpejti do rrëmbejë si i tillë edhe zonat arkeologjike në Durrës, ndaj sot në ora 18 te Blu Star mbahet një tryezë për këtë çështje. Si qytetar me vetedijë shqiptare je i ftuar me zemër të jesh pjesë e këtij diskutimi. Ju falenderojmë, me respekt S. Guri, A. Bace, A. Kalaja, A. Tepelena, S. Pinguli, etj
