Alex Soros, djali i manjatit George Soros, i është bashkuar darkës që po mbahet në Ohër në kuadër të takimit të rradhës së “Open Balkan”, ku krahas kryeministrave Edi Rama dhe homologut maqedonas, Dimitar Kovaçevski, si dhe Presidentit serb Alkesandar Vuçiç, ndodhet edhe kryeministri i Malit të Zi, Dritan Abazoviç.
Alex Soros ka qenë prezent në të gjitha takimet e zhvilluara në kuadrin e Ballkanit të Hapur, dhe duket se monitoron me kujdes procesin, të cilin e mbështet Soros, dhe konsiderohet si një projekt i Beogradit dhe së fundmi i mbështetur hapur edhe nga Kremlini.
Alex Soros është nderuar duke u ulur në tavolinën kryesore, krahas liderëve të vendeve të rajonit.
Në këtë samit pritet të nënshkruhet një marrëveshje për njohjen e diplomave të arsimit të lartë, si dhe memorandume për bashkëpunim kulturor dhe në fushën e turizmit.
Në samit nuk mori pjesë as këtë herë Kosova pasi kryeministri Albin Kurti refuzoi ftesën e kryeministri të Maqedonisë së Veriut, Dimitar Kovaçevski.
