Kryeministri Edi Rama ka konsumuar një kafe me kryeministrin malazez Dritan Abazoviç, menjëherë pasi ka mbërritur në Ohër ku të nesërmen do të mbahet samiti i “Open Balkan”.
Në një postim në rrjetin social, Kryeministri shkruan se duke nisur nga sot Mali i Zi ishte zyrtarisht pjesë e marrëveshjes “Open Balkan”.
Në takim ka marrë pjesë edhe ambasadori i SHBA-ve në Serbi, Chris Hill të cilin Rama e konsideroi si mbështetës i “Ballkanit të Hapur”.
“Kënaqësi marrja e kafes së sapombërritjes në Ohër, me kryeministrin, Dritan Abazovič, i cili sot fut zyrtarisht Malin e Zi në Ballkanin e Hapur, si edhe me ambasadorin e Shteteve të Bashkuara në Serbi, Chris Hill, i cili është një mik i kahershëm i Shqipërisë e shqiptarëve, po dhe një mbështetës i vendosur i Ballkanit të Hapur”, shkruan Rama.
