Sherri midis Noizyt dhe Kleviol Ahmetin, i njohur si Cllevio, ka bërë xhrion e rrjetit së fundmi. Në rrjete sociale qarkulloi me shpejtësi një video ku reperi Rigels Rajku i njohur si Noizy, goditi me grushte ish-anëtarin e The Bloody Alboz (TBA).
Lidhur me sherrin e tyre një reagim së fundmi e ka bërë edhe reperi Stresi, i cili kohëve të fundit kishte rregulluar raportet me Noizyn e në anën tjetër thuhet se është mik me Cllevion.
Në një live në Instagram, reperi thotë se çdokush duhet t’i shikoj punët e tij dhe se nuk duhet sharë me motër e me familje.
“Ndoshta keqkuptohemi. Po ju them dy gjëra shumë të rëndësishme. Unë po ua them nuk merrem më me plehra shoh punët e mia, edhe ju vetë jeni fajtorë që i shtyni njerëzit, në vend se të shihni diçka ndryshe. Vetë keni qejf të shihni këso gjërash. Rrini në punën tuaj, mos u merrni me lajme, mos shani.
Unë e kam parashikuar çdo histori. Ju që ia shani motrën dikujt, familjen mbani mend nga ky live do të ndërrojë jetë dikush. Nëse ia shani familjen dikujt mbani mend do të dalë dikush që ka me ia fut plumb kokës. Mbajeni në mend këtë që po them.
Nuk i shkohet kujt te shtëpia, me sha e me bo budallallëqe. Nuk është djalë i keq, por është i paparashikueshëm. Ka hëngër dajak, nuk ka asnjë gjë. Burrnia i ka të tjerat, jo të dal live”, tha ai.
