Italia do të presë sot Hungarinë në ndeshjen e dytë të Ligës së Kombeve.
Barazimi 1-1 ndaj Gjermanisë ishte premtues për skuadrën e Roberto Mançinit i cili ndaj hungarezëve kërkon një tjetër paraqitje dinjitoze, pse jo, edhe me një fitore këtë herë.
Mançini, pritet të ketë shumë ndryshime në formacion?
Do të bëj disa, por nuk do të jenë shumë.
Do të provoni diçka të re?
Mund të fitosh në çfarëdo mënyre, nuk ka ndonjë recetë të veçantë. Me të gjitha sistemet mund të fitosh, me Gjermaninë në 20 minutat e fundit nuk arritëm t’i shfrytëzonim mirë dhe skuadra po luante jo keq. Loja më pas ishte në ekuilibër total. Ata zbritën në fushë, ishin të gjithë lojtarë të rinj, është e qartë se kërkon pak kohë për të hyrë në mekanizmat e kërkuar.
A mund të luajë Donaruma? Si e keni parë?
Xhixho mbetet për mua portieri më i mirë në Evropë: portieri vuan pak më shumë se të tjerët kur alternohet. Ai ka këtë problem të vogël në gisht, ndaj do ta vlerësojmë në mëngjes.
Ju pëlqejnë lëvizjet e Skamakës?
Ai ka gjithçka për t’u bërë një qendërsulmues shumë, shumë i mirë. Është i shpejtë, i fuqishëm dhe teknik. Mund të përmirësohet në topat që luhen tokazi.
Cili është leximi që duhet të bëjmë rreth Gnjontos?
Është një djalë vetëm 18 vjeç dhe nuk duhet t’i bëhet shumë presion. Duhet të rritet në heshtje. Për moshën e tij, ai di të luajë futboll si pak lojtarë të tjerë dhe është shumë shpejt të flitet për gjëra të tjera. Nëse rritet me qetësi, pa i bërë shumë presion, mund të tregojë cilësitë e rëndësishme pasi është një djalë inteligjent. Roli i tij më i mirë është sulmuesi i dytë, por mund të bëjë edhe sulmuesin e krahut. Të shohim në të ardhmen.
Prisni një Hungari si ajo ndaj Anglisë?
Nuk e di, duhet të presim çfarë do të ndodhë nesër (sot). Fitorja e tyre ndaj Anglisë nuk ishte rastësi. Ne duhet të bëjmë lojën tonë dhe të mos imponohemi nga askush. Marko Rosi ka bërë një punë të mirë aty, ka një ekip kompakt, me shumë lojtarë të talentuar.
