Elona Alvora, prokurore pranë Prokurorisë së Rrethit Vlorë, është konfirmuar në detyrë nga shkalla e parë e vetingut. Vendimi u dha këtë të Martë nga Komisioni i Pavarur i Kualifikimit.
Procesi i saj i vetingut u krye nga trupa e përbërë nga Pamela Qirko, Xhensila Pine dhe Suela Zhegu.
Gjatë seancës dëgjimore, zhvilluar në fund të muajit Maj, prokurorja u përball me gjetjet për deklarime të kundërta lidhur me vendbanimin, si dhe për zvarritje të hetimeve dhe rrëzimin e vendimmarrjeve të saj nga gjykata.
Elona Alvora përfundoi studimet në Shkollën e Magjistraturës në vitin 2009 dhe pas një periudhe stazhi në Prokurorinë e Tiranës, u emërua në Prokurorinë e Rrethit Gjyqësor Vlorë, ku vazhdon ta kryejë detyrën.
