Ish-ministri i Drejtësisë, Ylli Manjani, komentoi në emisionin ‘A Show’ zgjedhjen e Bajram Begajt në postin e Presidentit të Republikës.
Manjani tha se Rama ka nën kontroll çdo gjë dhe po ndalon edhe fjalën e lirë. Sakaq, ai u shpreh se kreu i qeverisë me zgjedhjen e Begajt tregoi se ka të gjitha pushtetet në dorë.
“Kjo Republikë ka një emër, Edi Rama. Nga ai varet çdo gjë, parlamenti, pushteti, autoriteti i ligjit, nga ai varen zgjedhjet, prona, liria dhe të drejtat themelore të njeriut, Presidenti, gjithçka.
Ka ndodhur ajo që kishim frikë. Java që e konfirmoi zyrtarisht këtë gjë. Askush s’ka asnjë iluzion që në Shqipëri ka pushtete, zgjedhje, autoritete të pavarura, një njeri i vetëm që luan çdo gjë dhe po përpiqet me pak mund të vendosi nën pre edhe fjalën”, tha Manjani.
