Një motoskaf është përfshirë nga flakët gjatë riparimit të tij, dhe përpasojë ka pësuar djegie edhe 31 vjeçari që po kryente riparimin.
Ngjarja është shënuar sot në fshatin Drimadhes, Dhërmi.
“Në fshatin Drimadhes, Dhërmi, ka marrë flakë, gjatë riparimit të tij, një motoskaf. Për pasojë shtetasi N. L., 31 vjeç, i cili po merrej me riparimin e motoskafit, ka pësuar djegie në zona të ndryshme të trupit”, informon policia lokale.
31-vjeçarit iu dha ndihma e parë në qendrën shëndetësore në Drimadhes dhe po transportohet në spitalin e Tiranës, për mjekim me të specializuar, shtuan të njëjtat burime.