Zv/kryeministri Arben Ahmetaj, në fjalën e mbajtur në seancën e kësaj të hëne në Kuvend, tha se rritja e çmimeve është rrjedhojë e luftës në Ukrainë.
Ai theksoi se Qeveria ka marrë politikat e duhura sociale në ndihmë të qytetarëve.
”Jemi në moment krize dhe inflacioni sa i madh të jetë aq më gërryes është për të ardhurat. Shqipëria e ka 6.2%, më të lartë e ka Bosnja, 13.2 %. Shqipëria e ka më të ulëtin, për një arsye shumë të madhe. Ne subvencionojmë totalisht rritjen e çmimit të energjisë. Inflacioni krijon një të ardhur momentale në buxhet.
Çmimet dua ti kuptoni, janë konseguencë ndërkombëtare. Vendet e rajonit e kanë inflacionin në qiell, ne e kemi ndër më të ulëtat. Kjo është arsyeja që amortizatorët kanë funksionuar.
Lufta nuk i ka efektet vetëm sot. Ndaj duhet të jemi shumë racionalë. A mund të bëjë më tepër, po patjetër. Investimet në infrastrukturë janë spektakolare nga kjo qeveri”.
Ahmetaj gjatë fjalës së tij ka bërë një krahasim mes dy qeverive, asaj të PD dhe të PS. Ai tha se PD për shqiptarët solli firmat piramidale, ndërsa PS paketa ndihme në kohën e pandemisë.
“Që në momentin që flisni për oligarkë, ka një statistikë dhe një të vërtetë përtej statistikës. Që kur flisni për çmime ka një të vërtetë.
Tatim fitimi për kompanitë ka qenë 15%. Sot biznesi i vogël paguan zero. Një qeveri e bën zero tatimin, një qeveri e merr tatimin e biznesit të madh nga 10 në 15%, është kjo Qeveri oligarkësh?
Po në anën sociale që sigurisht ka probleme Shqipëria. Dua t’ju lexoj një pasazh që po ndodh në ekonominë amerikane.
Kemi paketën e pandemisë, ekskluzive që quhet mbajtja e të ardhurave duke subvencionuar shtresa në nevojë. Ky është program më social. E mbani mend Shkodrën, atë e keni bastion. U përmbyt? Iu premtuat që do e dëmshpërblinit, por u dëmshpërblyen nga ne. Në ’97-ën e shkatërruat me skemën piramidale.
I gritë, u detyrua qeveria shqiptare për t’i subvencionuar. Mos flisni për anën sociale. Mos u bëni migjenianë”, tha Ahmetaj.
