Greqia bëhet makth për Kosovën pasi kombëtarja helene arrin të regjistrojë fitoren e radhës në Prishtinë, këtë herë për llogari të Ligës së Kombeve.
Në stadiumin “Fadil Vokrri” të tejmbushur nga tifozët vendas dhe në një atmosferë festive, diktatin e vendosi goli i Bakasetas në pjesën e parë, duke ngrirë entuziazmin e skuadrës së Alain Giresse, e freskët nga suksesi i rëndësishëm i Qipros.
Një disfatë që zbeh shpresat e “Dardanëve” për të synuar vendin e parë në grupoin C2 ku bëjnë pjesë edhe Irlanda e Veriut bashkë me Qipron që u ndanë në barazim pa gola.
Zeneli, Zhegrova, Rashica apo Murriqi nuk arritën të kalonin murin e skuadrës greke që rrezikoi në disa raste të shënonte edhe një tjetër gol dhe për të mbyllur llogaritë e një sfidë që foli kryesisht për miqtë.
Aliti e la skuadrën e Kosovës për më shumë se 15 minuta me 10 lojtarë pas të verdhit të dytë, çka i komplikoin edhe më shumë pozitat e Kosovës në këtë ndeshje.
Gjithsesi, ndryshe nga edicioni i kaluar eleminator, Kosova tregoi rritje në lojën e saj dhe pozicionimi në vendin e dytë të grupit e shtyn të shpresojë deri në fund të beteja për vendin e parë që për momentin mbahet nga Greqia me pikë të plota pas dy ndeshjeve të para.
