Një 12-vjeçare është gjetur e pajetë nga prindërit e saj në krevat mëngjesin e së enjtes, 2 qershor.
Ngjarja e rëndë ka ndodhur në Selanik.
Ndërsa sipas konkluzioneve fillestare të mjekëve dyshohet se shkaku i vdekjes së adoleshentes ka qenë insuficienca kardiake, shkruan abcnews.al.
Nga ana e tyre prindërit e vajzës të cilët janë në gjendje shoku për humbjen e së bijës thonë e adoleshentja ishte një gjendje të shkëlqyer shëndetësore dhe se sipas tyre ajo nuk kishte asnjë problem, përveç hematokriti të ulët në gjak.
“Fëmija im është zhdukur, asnjë rezultat i analizave nuk ma kthen mua vajzën”, thotë babi i 12-vjeçares
Prindërit e vajzës janë të dërrmuar teksa përpiqen të kuptojnë se çfarë ka ndodhur. Ndërsa i ati i saj flet për një fëmijë shumë të shëndoshë, i cili çdo vit i nënshtrohej kontrolleve mjekësore, ndërsa vetëm tre muaj më parë kishte vizituar një kardiolog që nuk kishte konstatuar asnjë problem me zemrën e 12-vjeçares.
“Ka shumë pikëpyetje për vdekjen e papritur të vogëlushes sime. Si mundet një fëmijë që i nënshtrohej kontrolleve mjekësore çdo vit të zhduket aq papritur në gjumë. Fëmija ynë ishte shumë i shëndetshëm, problemi i vetëm që kishte ishte hematokriti i ulët, për të cilin merrte hekur. Fëmija u vaksinua plotësisht me dozën e dytë në mars. Mjekët nga spitali na thanë se ekzaminimet toksikologjike dhe histologjike do të dalin pas gjashtë muajsh. Fëmija im është zhdukur, asnjë rezultat i testeve laboratorike nuk ma kthen dot bijën time, ajo është zhdukur përgjithmonë”, ka thënë mes lotësh për mediet greke i ati i 12-vjeçares.
